55 ఏళ్ళలో అత్యధిక ట్రాఫిక్‌ని దుబాయ్‌ విమానాశ్రయం నమోదు చేసింది. 7.3 మిలియన్‌ ట్రాఫిక్‌ ఆగస్ట్‌ నెలలో నమోదైంది. ఇది 55 ఏళ్ళ దుబాయ్‌ చరిత్రలోనే అతి పెద్ద ట్రాఫిక్‌గా అంచనా వేశారు. గడచిన 55 ఏళ్ళలో 700 మిలియన్‌ ప్రయాణీకులకు సేవలు అందించింది. సరాసరి పెరుగుదల 15తో సరికొత్త రికార్డుల్ని సృష్టిస్తోంది. దుబాయ్‌ ఎయిర్‌పోర్ట్‌ అంచనాల ప్రకారం ఇండియా టాప్‌ డెస్టినేషన్‌ కంట్రీ కాగా, బిజీయెస్ట్‌ డెస్టినేషన్‌గా ముంబై ఎంపికైంది. లండన్‌ టాప్‌ డెస్టినేషన్‌ సిటీగా ఉంది. 2014 ఆగస్ట్‌తో పోల్చితే 2015 ఆగస్ట్‌లో 34,773 విమానాలతో 11.4 శాతం పెరుగుదలను నమోదు చేసింది. ఏడాది కాలంలో తీసుకుంటే 18.1 శాతం వృద్ధి కనిపిస్తోంది. ఫ్రైట్‌ వాల్యూమ్‌ పరంగా చూసుకుంటే ఆగస్ట్‌లో 207,427 టన్నుల సామర్థ్యంతోనూ ముందంజలో వుంది. గడచిన 2014 ఆగస్ట్‌తో పోల్చితే ఇది 5.3 శాతం అదనం. ప్రపంచంలోని వివిధ దేశాలతో, ముఖ్య నగరాలతో ఎయిర్‌ కనెక్టివిటీ కలిగి, అత్యధికంగా ప్రయాణీకులతో నిత్యం బిజీగా ఉంటోన్న దుబాయ్‌ విమానాశ్రయం ప్రపంచంలోనే ప్రత్యేకమైనది. 

--సి.శ్రీ(దుబాయ్)