మినిస్ట్రీ ఆఫ్‌ ఎకానమీ అండ్‌ కామర్స్‌, సౌక్‌ అల్‌ హరాజ్‌లోని షాప్స్‌పై ఆకస్మిక తనిఖీలు నిర్వహించింది. దోహాలోని నజ్మా ఏరియాలో ఉన్న ఈ షాపుల్లో తనిఖీలు నిర్వహించి, ఉల్లంఘనలకు పాల్పడ్డవారికి జరీమానాలు విధించడం జరిగిందని అధికారులు తెలిపారు. మార్కెట్స్‌ మరియు కమర్షియల్‌ యాక్టివిటీస్‌లో ధరల మానిప్యులేషన్స్‌ని ఉల్లంఘనల్ని తగ్గించడానికి ఇలాంటి ఆకస్మిక తనిఖీలను నిర్వహిస్తున్నారు. మొత్తం 11 షాపులకు ధరల పట్టీని ప్రదర్శించకపోవడంపై జరీమానా విధించారు. ఒక్కో ఉల్లంఘనకు 6,000 ఖతారీ రియాల్స్‌ చొప్పున జరీమానా విధించారు. ఎట్టి పరిస్థితుల్లోనూ ఈ తరహా ఉల్లంఘనల్ని సహించబోమని మినిస్ట్రీ ఈ సందర్భంగా హెచ్చరించింది. వినియోగదారులు ఎవరైనా ఉల్లంఘనల్ని గుర్తిస్తే వెంటనే హాట్‌లైన్స్‌ ద్వారా సమాచారం అందింవచ్చునని మినిస్ట్రీ సూచించింది. ఇ-మెయిల్‌, ట్విట్టర్‌, ఇన్‌స్టాగ్రామ్‌ అలాగే ఎంఇసి మొబైల్‌ యాప్‌ ద్వారా కూడా ఫిర్యాదులు చేయవచ్చు.