హజ్‌ యాత్రికుల కోసం నవ్యాంధ్రలో విజయవాడ(గన్నవరం) ఎయిర్‌ పోర్టు నుంచి విమానాల అవకాశాలు దాదాపు మృగ్యమయ్యాయి. మరో రెండు నెలల్లో హజ్‌ యాత్ర ప్రారంభం కానున్న నేపథ్యంలో, విజయవాడకు అనుమతి వచ్చే అవకాశాలు కనిపించటం లేదు. విభజన తర్వాత.. కూడా ఆంధ్రప్రదేశలోని లక్షలాది మంది ముస్లిం సోదరులు హైదరాబాద్‌ ఎయిర్‌పోర్టు నుంచే హజ్‌ యాత్రకు వెళ్లాల్సి వస్తోంది. ఈ ఏడాది హజ్‌ యాత్రకు వెళ్లే ముస్లిం సోదరులకు విజయవాడ నుంచే సౌదీ అరేబియా వెళ్లేందుకు అవకాశం కల్పించాలని రాష్ట్ర ప్రభుత్వం భావించింది. దీనికోసం కస్టమ్స్‌, ఇమ్మిగ్రేషన్స శాఖలు కూడా రంగంలోకి దిగాయి. రెండు నెలలుగా ఈ విషయంలో ప్రతిష్ఠంభన ఏర్పడటంతో విజయవాడకు అవకాశం వచ్చే పరిస్థితి లేదనే తెలుస్తోంది.