దోహా: దోహా క్రిమినల్‌ కోర్ట్‌ నేపాలీ వ్యక్తికి మూడేళ్ళ జైలు శిక్ష, ఆ తర్వాత డిపోర్టేషన్‌ చేయాల్సిందిగా ఆదేశాలు జారీ చేసింది. 33 బిజినెస్‌ వీసాలు, అలాగే ఎంట్రీ వీసాలను అక్రమంగా తయారుచేస్తున్నందుకుగాను నిందితుడికి న్యాయస్థానం ఈ శిక్ష విధించింది. యజమాని సంతకాన్ని ఫోర్జరీ చేయడం, అలాగే తన ఐడీని ఫేక్‌ వీసాల కోసం వినియోగించి, ఇతరులకు అమ్మినట్లు నేరం నిర్ధారణ అయ్యింది. 200 ఎంట్రీ వీసాల్ని 400,000 ఖతారీ రియాల్స్‌కి విక్రయించాడు ఏడాదిన్నర కాలంలోనే. కంపెనీకి సంబంధించిన కొన్ని పత్రాల్ని యజమాని రివ్యూ చేస్తున్నప్పుడు ఈ కుట్రకోణం బయటపడింది. యజమాని, నిందితుడి గురించి పోలీసులకు సమాచారమివ్వడంతో పోలీసులు విచారణ చేపట్టి, నిందితుడ్ని అదుపులోకి తీసుకుని అతని నుంచి వివరాలు రాబట్టారు.