వరుస విజయాలతో దూకుడు మీదున్న యువ కథానాయకుడు నాని ‘ఎంసీఏ’కు శ్రీకారం చుట్టారు. సినిమాలతో బిజీబిజీగా ఉన్న నాని ఇప్పుడు ఎంసీఏ చదవడం ఏంటా? అని అనుకుంటున్నారా? ఆయన కథానాయకుడిగా నటిస్తున్న చిత్రం పేరది. శనివారం ఈ సినిమా షూటింగ్‌ ప్రారంభమైంది. పూజా కార్యక్రమాల అనంతరం దర్శకుడు వంశీ పైడిపల్లి నాని సినిమాకు క్లాప్‌ కొట్టారు. వేణు శ్రీరామ్‌ దర్శకత్వం వహిస్తున్న ఈ చిత్రంలో అనుపమ పరమేశ్వరన్‌ కథానాయిక. దేవిశ్రీ ప్రసాద్‌ స్వరాలు సమకూరుస్తున్నారు. శ్రీ వెంకటేశ్వర క్రియేషన్స్‌ బ్యానర్‌పై దిల్‌రాజు ఈ చిత్రాన్ని నిర్మిస్తున్నారు. కార్యక్రమంలో నటుడు నరేష్‌, ఆమని, నిర్మాత దిల్‌రాజు తదితరులు పాల్గొన్నారు. నాని నటించిన మరో చిత్రం ‘నిన్నుకోరి’ జూన్‌ 23న ప్రేక్షకుల ముందుకు రానుంది. శివ నిర్వాణ దర్శకత్వం వహించిన ఈ చిత్రంలో నివేదా థామస్‌ కథానాయికగా నటిస్తోంది.