అఫ్గానిస్థాన్‌కు చెందిన 50 మందికిపైగా సైనికులను హతమార్చినట్లు పాకిస్థాన్‌ సైన్యం ఆదివారం వెల్లడించింది. సరిహద్దుల్లో ఇటీవల చోటుచేసుకున్న ఘర్షణల్లో పది మంది పాక్‌ పౌరులు మృతిచెందారు. అప్పటినుంచీ రెండు దేశాల మధ్య ఉద్రిక్త పరిస్థితులు నెలకొన్నాయి. బలూచిస్థాన్‌ ప్రావిన్స్‌లోని తమ దేశ పౌరులపై శుక్రవారం అఫ్గాన్‌ బలగాలు జరిపిన కాల్పులను తాము తిప్పికొట్టామని పాక్‌ మేజర్‌ జనరల్‌ నదీం అహ్మద్‌ తెలిపారు. దాడుల్లో వంద మందికిపైగా అఫ్గాన్‌ సైనికులు గాయాలపాలయ్యారని ఆయన పేర్కొన్నారు.