వరల్డ్‌ ఎకనమిక్‌ ఫోరం 2015-2015 సందర్భంగా గ్లోబల్‌ కాంపిటీటివ్‌నెస్‌ రిపోర్ట్‌ ప్రకారం యూఏఈ రోడ్లు ప్రపంచంలోనే అత్యంత నాణ్యమైనవిగా గుర్తింపు పొందాయి. రోడ్డు, రైలు రోడ్డు, పోర్ట్‌ మరియు ట్రాన్స్‌పోర్ట్‌ ఇన్‌ఫ్రాస్ట్రక్చర్‌లో యూఏఈ అద్భుత ప్రగతి సాధిస్తోంది. యూఏఈ 2021 విజన్‌లో భాగంగా, దేశంలో అభివృద్ధి పనుల్ని వేగవంతంగా కొనసాగిస్తున్నారు. ఈ క్రమంలో ఎక్కడా అలసత్వానికీ, అవినీతికీ తావులేకుండా చిత్తశుద్ధితో పనిచేయడం ద్వారా యూఏఈ ప్రపంచంలోనే ప్రత్యేకమైన గుర్తింపు తెచ్చుకుంటటోంది. మినిస్ట్రీ ఆఫ్‌ పబ్లిక్‌ వర్క్స్‌ డాక్టర్‌ అబ్దుల్లా బిన్‌ మొహమ్మద్‌ బల్‌హైఫ్‌ అల్‌ నౌమి, యూఏఈ నాయకత్వాన్ని అభినందిస్తూ, దేశాన్ని ప్రపంచ పటంలో అగ్రస్థానంలో నిలపడానికి యూఏఈ నాయకత్వం శతవిధాలా ప్రయత్నిస్తోందన్నారు. ఎస్సెట్‌ ప్రిజర్వేషన్‌, మెయిన్‌టెనెన్స్‌ మేనేజ్‌మెంట్‌లోనూ ఇంటర్నేషనల్‌ రోడ్‌ ఫెడరేషన్‌ అవార్డుని యూఏఈ గెలుచుకుంది. 

--సి.శ్రీ(దుబాయ్)