ఖతార్‌లో రెండో క్వార్టర్‌కి గాను కాస్ట్‌ ఆఫ్‌ లివింగ్‌ 1.1 శాతం నమోదైంది. ఇంటి అద్దెలు, ఎడ్యుకేషన్‌, ట్రాన్స్‌పోర్ట్‌ మరియు పొగాకు ఉత్పత్తుల ధరలు పెరగడమే దీనికి కారణం. హౌసింగ్‌, వాటర్‌, ఎలక్ట్రిసిటీ మరియు గ్యాస్‌ విభాగాల్లో 21.89 శాతాన్ని సీపీఐ నమోదు చేసింది. ఈ విభాగాల్లో 2.4 శాతం పెరుగుదల నమోదైంది. ఇంధనం, నీరు వంటివి స్థిరంగా ఉన్నట్లు మంత్రిత్వ శాఖ అధికారికంగా వెల్లడించింది. వస్త్రాలు, పాదరక్షలు 0.9 శాతం వృద్ధి సాధించాయి. హౌస్‌హోల్డ్‌లో కూడా అదే వృద్ధి కనిపించింది. ఫర్నిచర్‌, టెక్స్‌టైల్‌ రంఆలు వృద్ధిరేటుని నమోదు చేయలేదు. రెస్టారెంట్స్‌, హోటల్స్‌ సిగ్మెంట్‌లో 0.7 శాతం పెరుగుదల చోటుచేసుకుంది. ఫుడ్‌, బీవరేజెస్‌ వంటివాటిల్లో కూడా చెప్పుకోదగ్గ పెరుగుదల నమోదైంది. కమ్యూనికేషన్‌ సిగ్మెంట్‌లో 1 శాతం తగ్గుదల నమోదయ్యింది. 

--వి.రాజ్ కుమార్ (మాగల్ఫ్ ప్రతినిధి,ఖతార్)