సౌదీ ఎయిర్‌ డిఫెన్స్‌ ఫోర్సెస్‌, యెమెన్‌ నుంచి హౌతీ మిలీషియాస్‌ ప్రయోగించిన బాలిస్టిక్‌ మిసైల్‌ని కూల్చివేశాయి. అరబ్‌ కొలిషన్‌ కమాండ్‌ ఈ వివరాల్ని వెల్లడించింది. సౌదీ అరేబియా మీదుగా దీన్ని యెమెన్‌ నుంచి మిలీషియా దళాలు ప్రయోగించగా, కూల్చివేయడం జరిగింది. అల్‌ రిన్‌ ప్రాంతంలో ఈ మిసైల్‌ని రాత్రి 8.45 నిమిషాల సమయంలో పేల్చేశారు. ఇరాన్‌ మద్దతుతో యెమెన్‌లోని హౌతీస్‌ బుర్కాన్‌-1 అనే మిసైల్‌ని రియాద్‌ వైపు ప్రయోగించారు. త్వరలో సౌదీ అరేబియాలో అమెరికా అధ్యక్షుడు డోనాల్డ్‌ పర్యటించనుండగా, ఈలోగా మిసైల్‌ దాడికి తెగించారు. సౌదీ అరేబియా వైపు హౌతీలు మిసైల్స్‌ని ప్రయోగించడం ఇదే కొత్త కాదు. యెమెన్‌ బోర్డర్‌ వైపుగా సౌదీ అరేబియా దళాలు ప్రత్యేక వ్యవస్థల ద్వారా అటువైపునుంచి వచ్చే మిసైల్స్‌ని, రాకెట్స్‌ని కూల్చివేయడం జరుగుతోంది.