హైదరాబాద్: రాజధాని నగరం హైదరాబాద్తో పాటు, తెలంగాణలోని పలు జిల్లాలో వర్షం ముంచెత్తింది. హైదరాబాద్ నగరంలో పలు చోట్ల భారీ వర్షం కురుస్తోంది. సికింద్రాబాద్లోని ఓయూ క్యాంపస్, తార్నాక, హబ్సిగూడ, నాచారం, లాలాపేట్, మల్లాపూర్, కాచిగూడ, ప్రాంతాల్లో భారీ వర్షం కురుస్తోంది. కాప్రా, రామాంతపూర్, నేరేడ్మెట్, మల్కాజిగిరి, హయత్నగర్, రాజేంద్రనగర్ ప్రాంతాల్లోనూ భారీ వర్షం పడుతోంది. పలుచోట్ల రోడ్డుపై నీరు నిలిచిపోవడంతో ప్రజలు ఇబ్బంది పడుతున్నారు. తెలంగాణలోని పలు జిల్లాలోనూ భారీ వర్షం కురుస్తోంది. రంగారెడ్డి, నల్గొండ, మహబూబ్నగర్ తదితర జిల్లాలో భారీ వర్షం పడుతోంది. వేర్వేరు ప్రాంతాల్లో పిడుగుపాటుకు ముగ్గురు, గోడకూలి ఒకరు మృతిచెందారు. మంచిర్యాల జిల్లా చెన్నూరు మండలం గంగారంలో పిడుగు పడి ఇద్దరు మృతిచెందారు. మృతులను రాజయ్య, పర్వతాలుగా గుర్తించారు. కామారెడ్డి జిల్లా మద్నూరు మండలం అవల్గావ్లో పిడుగుపాటుకు హనుమంత్ అనే రైతు మృతి చెందారు.మహబూబ్నగర్ జడ్చర్లలో భారీ వర్షానికి గోడకూలి ఓ మహిళ మృతిచెందింది.