ఇరాక్‌లో కొన్ని రోజుల క్రితం కనిపించకుండా పోయిన 38 మంది భారతీయులు ప్రాణాలతో ఉన్నారని పాలస్తీనా అధ్యక్షుడు మహ్‌మూద్‌ అబ్బాస్‌ భారత రాష్ట్రపతి ప్రణబ్‌ముఖర్జీకి వెల్లడించారు. ప్రణబ్‌ ముఖర్జీ పాలస్తీనా పర్యటనలో భాగంగా ఆ దేశ అధ్యక్షుడితో రామల్లా నగరంలో సమావేశమయ్యారు. ఈ సందర్భంగా ఇరాక్‌లో కనిపించకుండా పోయిన 38 మంది భారత జాలర్ల గురించి కూడా చర్చించారు.ఆచూకీ తెలియకుండా పోయిన భారతీయులు సురక్షితంగా ఉన్నారని చెప్పారని.. కాని ఈ విషయాన్ని బలపరిచే విధంగా ఎలాంటి ఆధారాలు చూపించలేదని పాలస్తీనాలో భారత అధికార ప్రతినిధి వెల్లడించారు. కనిపించకుండా పోయిన భారతీయులను ఇస్లామిక్‌ స్టేట్‌ ఉగ్రవాదులు బంధించి ఉంటారన్న వూహాగానాలు ఉన్న సంగతి తెలిసిందే.