యూ. ఏ. ఈ. లో ఎనిమిది సంవత్సరాల క్రితం సంచలనాత్మకమైన 14.7 మిలియన్ దీనార్ల  వాఫీ మాల్  దోపిడీ కేసులో నిందితులైన 'పింక్ పాంధర్' ముఠా యొక్క నాలుగవ నిందితుడిని అరెస్టు చేసినట్టు ఉప ప్రధాని మరియు ఆంతరంగిక శాఖ మంత్రి షేక్ సైఫ్ బిన్ జాయెద్ మరియు  దుబాయి పోలీసు వారు ఒక సంయుక్త ప్రకటనలో తెలియజేశారు. ఎనిమిది సంవత్సరాల క్రితం రెండు కార్లలో వచ్చి వాఫీ మాల్ గాజు అద్దాలనుండి దూసుకుపోయి, ఆభరణాల దుఖాన్ని దోచుకుపోయిన సంగతి పాఠకులకు తెలిసే ఉండవచ్చు. ఈ ఘటనలో ఇద్దరు సెర్బియన్ జాతీయులను అరెస్టుచేయగా, మూడవ వ్యక్తిని యూ. ఏ. ఈ. కి అప్పగించారు. గత సంవత్సరం మరో నిందితుడు స్పెయిన్ లో పట్టుబడడంతో, యూరోప్ వ్యాప్తంగా ఆ ముఠాకు చెందిన 50 మంది సభ్యులు  అరెస్టు అయినట్టయిoది.