నజ్రాన్‌ సౌత్‌ వెస్ట్రన్‌ రీజియన్‌లోని ఓ పోలీస్‌ స్టేషన్‌లో అగ్ని ప్రమాదం చోటు చేసుకుంది. ప్రమాదం జరిగిన వెంటనే సంఘటనా స్థలానికి సహాయ బృందాలు చేరుకున్నట్లు డైరెక్టరేట్‌ ఫర్‌ సివిల్‌ డిఫెన్స్‌ వెల్లడించింది. అగ్ని ప్రమాదం దృష్ట్యా సమీప ప్రాంతంలో నివసిస్తున్న ప్రజల్ని ఖాళీ చేయించినట్లు అధికారులు పేర్కొన్నారు. ప్రమాదం జరిగిన సమయంలో ట్యాంకర్‌ రిఫ్యూయలింగ్‌ జరుగుతున్నత్లు అధికారులు వివరించారు. పక్కనే ఉన్న ఓ అపార్ట్‌మెంట్‌లోని 25 మందిని పోలీసులు ఖాళీ చేయించారు. పొగ కారణంగా అస్వస్థతకు గురైన నలుగురిని ఆసుపత్రికి తరలించడం జరిగింది. రెండు కార్లు, ఐదు షాప్‌లు ఈ ప్రమాదంలో ధ్వంసమయ్యాయి. సరైన భద్రతా చర్యలు లేకపోవడమే ప్రమాదానికి కారణంగా అనుమానిస్తున్నారు.