సుమంత్‌, ఆకాంక్ష సింగ్‌ జంటగా నటిస్తున్న చిత్రం 'మళ్ళీ రావా'. గౌతమ్‌ తిన్ననూరి దర్శకుడు. స్వధర్మ్‌ ఎంటర్‌టైన్‌మెంట్స్‌ పతాకంపై రాహుల్‌ యాదవ్‌ నక్క నిర్మిస్తున్నారు. రొమాంటిక్‌ డ్రామాగా దీన్ని తెరకెక్కిస్తున్నారు. ఈ చిత్రం షూటింగ్‌ ఇటీవల పూర్తైనట్లు నిర్మాత తెలిపారు. పోస్ట్‌ ప్రొడక్షన్‌ కార్యక్రమాలు చివరి దశలో ఉన్నాయని చెప్పారు. ఈ సందర్భంగా నిర్మాత మాట్లాడుతూ.. 'మేము కొత్తవాళ్లమైనా కథ మీద నమ్మకంతో సుమంత్‌ మాకు అవకాశం ఇచ్చి ప్రోత్సహించినందుకు ఆయనకు కృతజ్ఞతలు తెలియజేస్తున్నాం. 30 రోజుల్లో ఒకేఒక్క షెడ్యూల్‌లో ఈ సినిమా పూర్తి చేయగలిగాం. పది నెలలు ప్రీ ప్రొడక్షన్‌ పనులు చేయడం వల్లే ఈ సినిమాను 30 రోజుల్లో తీయడం సాధ్యపడింది. ఆగస్టు మొదటి వారంలో లోగో, టీజర్‌ను విడుదల చేయనున్నాం' అన్నారు.