నష్ట జాతకులు
- October 20, 2015
ఏం తింటాడో ఎక్కడ పడుకుంటాడో తెలియదు
మాసిన గెడ్డం మురికి బట్టలు అతని ఆకారం ..
గూడు వదలిన ఒంటరి పక్షిలాటి జీవితం
ఊరు ఊరoతా కలియ తిరుగుతాడు
కనిపించిన వారికల్లా సలాం నమస్తే చెబుతూ
వరుసలు మరువకుండా బావా బాపు మామ
అంటూ ప్రేమగా పిలుస్తాడు...
పళ్ళికిలిస్తూ అడ్డు తిరిగి మరీ వసూలు చేస్తాడు
పదో ఇరవయ్యో ..
గత జన్మ బాకీ ఉన్న జ్ఞాపకమేదో గుర్తు చేస్తూ ...
పొద్దెక్కుతూ ఉంటే,, తన లేని గాయాలను
తిరగ తోడుకుంటూ ..
ఎవరెవరినో తిట్టుకుంటూ ఉన్మాది అయి ఊగి పోతుంటాడు ..
మసకవుతున్నా కొద్ది ... తన ముద్దు ముద్దు
మాటలతో పసివాడైపోతాడు ..
తడబడుతున్న నడకలతో కొద్ది కొద్దిగా కనుమరుగవుతాడు
మా ఊరి సూరీడు ...
అయ్యో .. సూరీడంటే సూరీడే అతను "సారా" రక్కసితో
గుండెనూ .. కాలేయాన్ని కాల్చుకు మండే అభాగ్య సూరీడు...
బెల్టు షాపులో బే షరం గా త్రాగి తనకు తెలిసిన తత్వమేదో
గొణుక్కుంటూ ఆరి పోయే దీపంలా వెళ్ళే ..
ఇంటిల్లిపాదిని మరిచి అనాధలను చేసే మా ఊరి సూరీడు ,,
ఏటేట ఎలక్షన్ల కోసం ఎదిరి చూసే అల్ప సంతోషి అయిన
సూరీడు ,,అతనికి జతగా ఇప్పుడు ..
ఊరు ఊరంతా వెలసిన నాగరిక సురాపాన సూరిల్లు ... ఊరూర
వేళ్ళూనుకున్న వేల వేల సూరిల్లు...వారు
ఏమీ తెలియని అమాయక బలి పశువుల్లా ,,,
సూర్య అస్తమయంతో వెళుతుంటారు...
తెల్లారగట్ట బలవంతమైన జన్మకటి ఎత్తుతుంటారు.. కానీ
అందులో ఎందరో కాదు కొందరే ..
పాపం..మిగతా ఇంకెందరో తమ అర్దాంగుల తాళి తెంపి
అర్దాయుస్షు తోనే కనుమరుగైపోతారు మా ఊరి సూరిల్లు
వాళ్ళే ఊరూరి "సారాయి" సూరిల్లు...
అకాల మృత్యువాత పడే నష్ట జాతక సూరిల్లు ,,
--జయ రెడ్డి బోడ (అబుధాబి)
తాజా వార్తలు
- యూఏఈ: ప్రయాణికులకు ఓవర్స్టే జరిమానాల మాఫీ
- యూఏఈలో విద్యాసంస్థలకు మార్చి 9 నుంచి స్ప్రింగ్ బ్రేక్ సెలవులు
- నెల్లూరు నుంచి విదేశాలకు.. తీగలాగితే డొంక కదులుతోంది..!
- AIతో రూపొందించిన యుద్ధ వీడియోలపై ఎక్స్ కఠిన చర్యలు
- ఇరాన్ నౌక పై సబ్మెరైన్ దాడి
- యుద్ధంలోకి మమ్మల్ని లాగకండి: స్పెయిన్ ప్రధాని
- జెబల్ అలీ పోర్ట్లో యథావిధిగా కార్యకలాపాలు: భద్రతను కట్టుదిట్టం చేసిన అధికారులు!
- సౌదీలో 4రోజలపాటు ఈద్ అల్ ఫితర్ సెలవులు..!!
- వదంతులు, తప్పుడు వార్తల ప్రచారం పై దుబాయ్ పోలీస్ హెచ్చరిక ...
- చరిత్ర సృష్టించిన టీ20 ప్రపంచకప్
