బాలీవుడ్ ‘మున్నాభాయ్’ సంజయ్‌దత్ ఈ రోజు తన పుట్టినరోజు జరుపుకుంటున్నాడు. 58 సంవత్సరాలు నిండిన ఈ అగ్రహీరో తన కుటుంబ సభ్యులు, బంధువులు, అభిమానుల సమక్షంలో ఈ వేడుకలు చేసుకుంటున్నాడు. సంజయ్‌దత్‌‌కు 5 సంవత్సరాల పాటు జైలు శిక్ష పడినప్పటికీ, అతని సత్ప్రవర్తన కారణంగా 8 నెలల ముందుగానే అతనికి జైలు జీవితం నుంచి విముక్తి లభించింది. దీంతో సంజయ్‌దత్ తిరిగి ‘భూమి’ అనే సినిమాతో సినిమాల్లోకి రీ ఎంట్రీ ఇచ్చారు. సంజయ్‌దత్ పుట్టిన రోజు సందర్భంగా ఈ సినిమా యూనిట్ ఈ సినిమాకు సంబంధించిన పోస్టర్‌ను విడుదలచేసింది. గతంలో ఈ సినిమాకు సంబంధించిన పోస్టర్‌లో సంజయ్‌దత్ ముఖాన్ని కొంతవరకూ మాత్రమే చూపించారు. తాజాగా విడుదల చేసిన పోస్టర్‌లో సంజయ్ పూర్తి ముఖ కవళికలను చూపించారు. ఈ పోస్టర్‌లో సంజయ్‌దత్ లుక్ ఎంతో ఇంట్రస్టింగ్‌గా ఉంది. ఇది నెటిజన్లను అమితంగా ఆకట్టుకుంటోంది.