అక్షయ్‌కుమార్‌ కథానాయకుడిగా నటిస్తున్న చిత్రం ‘టాయ్‌లెట్‌: ఏక్‌ ప్రేమ్‌ కథా’. ప్రధాని మోదీ తలపెట్టిన స్వచ్ఛభారత్‌ నేపథ్యంలో ఈ చిత్రం రాబోతోంది. ఓ వ్యక్తి తన భార్య కోసం టాయ్‌లెట్‌ కట్టించడానికి ఎలాంటి పాట్లు పడాల్సి వచ్చింది అన్న నేపథ్యంలో ఈ చిత్రాన్ని దర్శకుడు శ్రీనారాయణ్‌ సింగ్‌ తెరకెక్కించారు.
ఈ సందర్భంగా అక్షయ్‌ భార్య ట్వింకిల్‌ ఖన్నా ఓ ఆసక్తికర విషయాన్నిసోషల్‌మీడియా ద్వారా వెల్లడించారు. ‘మాకు పెళ్లైన కొత్తలో మా వారికి ఒక్కటే చెప్పా. డార్లింగ్‌.. నా హృదయాన్ని, జీవితాన్ని, ఆఖరికి నేను తినే తిండి నీతో షేర్‌ చేసుకుంటా. కానీ నా టాయ్‌లెట్‌ని మాత్రం షేర్‌ చేసుకోలేను అని చెప్పా.’ అని తన బ్లాగ్‌లో పేర్కొన్నారు. అనంతరం ఈ మెసేజ్‌ను అక్షయ్‌ తన ట్విటర్‌లో షేర్‌ చేశారు.
‘టాయ్‌లెట్‌-ఏక్‌ ప్రేమ్‌ కథా’ చిత్రానికి అక్షయ్‌కుమార్‌ నిర్మాతగా వ్యవహరించారు. ఇందులో అక్షయ్‌కి జోడీగా భూమి పెడ్నేకర్‌ నటించింది. ఆగస్ట్‌ 11న ఈ చిత్రం ప్రేక్షకుల ముందుకు రాబోతోంది.