తాగిన మైకంలో ఏం చేస్తుంటారో, ఏం మాట్లాడుతారో తెలియదు. అమెరికాలోని టెన్నిసీ స్టేట్‌లోని ఒక హోటల్‌లో ‌కేట్ ఎలిజబెత్ ప్రిచర్డ్(25)ను జేమ్స్ జెరేడ్ బార్టన్(30) వివాహం చేసుకున్నారు.  వివాహం అనంతరం పెళ్లికొడుకు, పెళ్లికూతురుతో సహా ఫుల్లుగా మధ్యం తాగారు.  బాగా తాగిన మత్తులో ఇద్దరూ గొడవ పడ్డారు.  అది కాస్తా ముదిరి పెళ్లికూతురు తన వెడ్డింగ్ డ్రస్‌లో నుంచి 9ఎంఎం హ్యాండ్ గన్ బయటకు తీసి పెళ్లి కొడుకు తలకు గురిపెట్టింది.  అయితే అందులో బుల్లెట్స్ లేకపోవడంతో బతికి పోయాడు.  అయితే అక్కడే ఉన్న బంధువులు అనుకోని ఈ పరిణామానికి షాక్ తిన్నారు.  వెంటనే పోలీసులకు సమాచారమందించారు.  పోలీసులు వచ్చేసరికి గన్‌ని వాష్‌రూమ్‌లో దాచేసింది.  గన్‌ని స్వాధీనం చేసుకుని కేట్‌ని అరెస్టు చేశారు.