బురైమీతో సహా ఒమాన్ లోని కొన్ని ప్రాంతాలు గురువారం మధ్యాహ్నం నుండి భారీ వర్షాలను ఎదుర్కొంటున్నాయి అని డైరక్టరేట్ జనరల్ ఆఫ్ మిటీయరాలజీ మరియు ఏర్ నావిగేషన్ (DGMAN) శాఖ వారు ప్రకటించారు. అల్ హజార్ పర్వతాలపై కూడా ఈ భారీ వర్షపాతం కొనసాగనున్నట్టు వారు తెలిపారు. గతంలో ప్రజలు పొంగిపొర్లుతున్న వాడీలను దాటడం, జారుగా ఉన్న రోడ్లపై వాహనాలను నడపడం వంటి అనుచిత సాహసాల వలన ప్రమాదాలు కొనితెచ్చుకున్న నేపధ్యంలో, వాడీల నుండి దూరంగా ఉండవలసిందిగా ప్రజలను హెచ్చరించినట్టు శాఖ అధికారులు తెలిపారు.