హైదరాబాద్‌ను సేఫ్‌ సిటీగా మార్చడమే షీ టీమ్స్‌ లక్ష్యమన్నారు సైబర్‌ క్రైం అడిషనల్‌ కమిషనర్‌ స్వాతి లక్రా. హైటెక్‌ సిటీలో పంద్రాగస్టు సందర్భంగా షీ టీమ్స్ ఆధ్వర్యంలో నిర్వహించిన ఫ్రీడం వాక్‌ను ఆమె ప్రారంభించారు. ఈ వాక్‌లో టీమిండియా ఉమెన్‌ క్రికెటర్‌ సునీత ఆనంద్‌ కూడా పాల్గొన్నారు. దేశంలో అత్యాచారాలు, దాడుల నుంచి  స్త్రీలు పూర్తి స్వాతంత్ర్యం కోరుకుంటున్నారని లక్రా అన్నారు. అర్థరాత్రి మహిళలు రోడ్డుపై ఒంటరిగా ధైర్యంగా నడవగలిగినప్పుడే నిజమైన స్వాతంత్ర్యం వచ్చినట్లన్న గాంధీజీ మాటల్ని ఆమె గుర్తు చేశారు.