స్వాతంత్య్ర దినోత్సవాల వేళ తెలంగాణ ముఖ్యమంత్రి కేసీఆర్‌ నిరుద్యోగులకు శుభవార్త అందించారు.త్వరలో 84,877 ఉద్యోగాల నియామక ప్రక్రియ చేపట్టనున్నట్లు ప్రకటించారు. తెలంగాణ ఆవిర్భవిస్తే లక్ష ఉద్యోగాలు సిద్ధిస్తాయని ఉద్యమ సమయంలో చెప్పామని ఇప్పుడు దాన్ని నెరవేర్చనున్నట్లు చెప్పారు. ప్రభుత్వం ప్రస్తుతం 1,12,536 ఉద్యోగాలను భర్తీ చేస్తోందని.. వాటిలో ఇప్పటికే 27,660 ఉద్యోగాలకు నియామక ప్రక్రియ చేపట్టినట్లు వెల్లడించారు. వచ్చే ఏడాది ఏర్పడే ఖాళీలను భర్తీ చేసేందుకు ఈ ఏడాదే నియామకం చేపట్టాలని ఆదేశించినట్లు చెప్పారు. తమ ప్రయత్నాలకు విఘాతం కలిగించేందుకు ఎన్నో కుట్రలు జరుగుతున్నాయని.. ప్రజల ఆశీస్సులతో వాటిని అధిగమించి ముందుకు వెళ్తామన్నారు.