మొత్తం 80 సంస్థలు సమ్మర్‌ వర్క్‌ బ్యాన్‌ నిబంధనను ఉల్లంఘించినట్లు అధికారులు వెల్లడించారు. జులై 1 నుంచి ఇప్పటిదాకా నమోదైన ఉల్లంఘనల సంఖ్య 80 అని లేబర్‌ మినిస్ట్రీ స్పష్టం చేసింది. ఉల్లంఘనులకు చట్ట ప్రకారం జరీమానాలు ఉంటాయని అధికారులు తెలిపారు. 80 సంస్థలకు చెందిన 150 మంది కార్మికులు బ్యాన్‌ పీరియడ్‌లో పనిచేస్తున్నట్లు అధికారులు గుర్తించారు. మధ్యాహ్నం 12 గంటల నుంచి 4 గంటల వరకు ఎండ తీవ్రత కారణంగా బహిరంగ ప్రదేశాల్లో కార్మికులు పని చేయడం పట్ల బ్యాన్‌ విధించడం జరుగుతోంది. 2007 నుంచి ఈ బ్యాన్‌ అమల్లో ఉంది. 40 డిగ్రీల ఉష్ణోగ్రత నేపత్యంలో ఎండలో పనిచేసే కార్మికులు తీవ్రమైన ఆరోగ్య సమస్యల్ని ఎదుర్కోవాల్సి వస్తుంది. అయితే నిబంధనల్ని ఉల్లంఘించి పలు సంస్థలు కార్మికులతో బ్యాన్‌ చేసిన సమయాల్లోనూ పనిచేయించడం కనిపిస్తుంటుంది. ఇలాంటి సంస్థలపై ఎప్పటికప్పుడు దాడులను నిర్వహిస్తారు అధికారులు. ఒక్కో కార్మికుడికి 500 నుంచి 1000 బహ్రెయినీ దినార్స్‌ చొప్పున ఆయా సంస్థలు జరీమానా చెల్లించవలసి ఉంటుంది. మొత్తం 77,500 బహ్రెయినీ దినార్స్‌ ఆయా సంస్థల నుంచి జరీమానాలుగా రావొచ్చని అధికారులు తెలిపారు.