జెడ్డాలోని చారిత్రక సెంటర్‌లో చోటు చేసుకున్న అగ్ని ప్రమాదం కారణంగా ఆరు భవనాలు కాలిపోయాయి. వీటిల్లో మూడు భవనాలు పూర్తిగా కూలిపోయాయి. అగ్ని ప్రమాదం నేపథ్యంలో 60 మందిని అక్కడి నుంచి ఖాళీ చేయించారు. అగ్ని ప్రమాదం సంభవించిన భవనాల పేర్లను అధికారులు వెల్లడించారు. అల్‌ ఖుమ్‌సాని, అల్‌ అష్‌మావి, అల్‌ అబ్దెల్‌ అల్‌ ఇందులో ఉన్నాయి. మిగతా భవనాల పేర్లు ఇంకా వెల్లడి కాలేదు. పన్నెండుకి పైగా ఫైర్‌ ఫైటింగ్‌ రెస్క్యూ టీమ్స్‌ సంఘటనా స్థలానికి చేరుకుని మంటల్ని అదుపు చేశాయి. నాలుగు అంతస్తుల భవనంలో సంభవించిన అగ్ని ప్రమాదం ఇంతటి ఘోర దుర్ఘటనకు కారణంగా ప్రాథమిక అంచనాకి వచ్చారు అధికారులు. అయితే ఈ ప్రమాదం కారణంగా ఎవరూ గాయపడ్డంగానీ, ప్రాణాలు కోల్పోవడం గానీ జరగకపోవడం పట్ల అందరూ హర్షం వ్యక్తం చేస్తున్నారు. పవిత్ర మక్కా, మదీనాలకు వెళ్ళే ప్రధాన గేట్‌ వే ప్రాంతంలో ఈ హిస్టారిక్‌ సెంటర్‌ కొలువుదీరింది.