రానున్న రోజుల్లో మరింత వేడి వాతావరణం అలాగే తేమతో కూడిన వాతావరణం ఉండొచ్చని వాతావరణ శాఖ నిపుణులు పేర్కొంటున్నారు. నేషనల్‌ సెంటర్‌ ఫర్‌ మిటియరాలజీ అండ్‌ సెస్మాలసీ వెల్లడించిన వివరాల ప్రకారం ఎమిరేట్‌ వ్యాప్తంగా ఉష్ణోగ్రతలు 40 డిగ్రీల వరకూ ఉండొచ్చు సాయంత్రం సమయాల్లో తేమ శాతం ఎక్కువగా ఉంటుంది. ఆ కారణంగా మరింత ఇబ్బందికర పరిస్థితులు చోటుచేసుకుంటాయి. యూఏఈ ఈస్టర్న్‌ మౌంటెనియస్‌ ప్రాంతాల్లో మాత్రం ఉష్ణోగ్రతలు 30 డిగ్రీలకు మించకపోవచ్చు. ఈస్టర్న్‌ అలాగే సదరన్‌ ఏరియాస్‌లో కొంత మేర మేఘాలు కనిపించవచ్చుననీ, కొన్ని ప్రాంతాల్లో వర్షాలు కురిసే అవకాశం కూడా ఉందని వెదర్‌ సెంటర్‌ పేర్కొంది. శుక్రవారం ఉదయానికి హ్యుమిడిటీ బాగా పెరగనుంది. సెప్టెంబర్‌ నెలాఖరు వరుకు పరిస్థితులు ఇలాగే ఉండొచ్చు. ఆ తర్వాత క్రమక్రమంగా పరిస్థితులు మెరుగుపడ్తాయి.