సౌదీ అరేబియన్‌ ఎయిర్‌లైన్స్‌ (సౌదియా), ఏడు బోయింగ్‌ 777-300 విమానాల్ని దోహా నుంచి జెడ్డాకి ఖతారీ యాత్రీకుల్ని తరలించేందుకు వినియోగించనుంది. ఆగస్ట్‌ 22 నుంచి 25 వరకు ఈ విమానాలు సేవలందిస్తాయి. తిరుగ ప్రయాణంలో సెప్టెంబర్‌ 5న ఈ విమానాలు అందుబాటులో ఉంటాయి. దమ్మమ్‌ లేదా అల్‌ అహ్సా ఎయిర్‌పోర్ట్స్‌ ద్వారా ప్రయాణించాలనుకునే ఖతారీ యాత్రీకుల్ని సౌదీ విమానాల ద్వారా తరలిస్తామని జనరల్‌ అథారిటీ ఆఫ్‌ సివిల్‌ ఏవియేషన్‌ డైరెక్టర్‌ జనరల్‌ - ఎయిర్‌ ట్రాన్స్‌పోర్ట్‌ మొహమ్మద్‌ అల్‌ ఒతైబి చెప్పారు. అవసరమైతే ప్రత్యేక విమానాల్ని సైతం యాత్రీకులు వినియోగించుకోవచ్చని తెలిపారాయన. రాయల్‌ ఆర్డర్‌లో భాగంగా యాత్రీకులకు సహాయ సహకారాలు అందించడానికి తాము పూర్తి సన్నద్ధంగా ఉన్నట్లు ఒతైబి వివరించారు.