బాలకృష్ణ తాజా సినిమా 'పైసా వసూల్', 101 వ సినిమాగా తెరకెక్కుతున్న ఈ సినిమా కు పూరి జగన్నాథ్ దర్శకత్వం వహిస్తున్నారు.. కాగా ఈ సినిమాలో ఒక సాంగ్ షూటింగ్ ను హైదరాబాద్ లో చేస్తున్న సమయంలో తాతయ్య బాలయ్య తో పాటు మనవడు దేవాన్ష్ కూడా షూటింగ్ చూడడానికి వచ్చినట్లు తెలుస్తోంది. సెప్టెంబర్ 1 న రిలీజ్ కానున్న పైసా వసూల్ సినిమా ప్రమోషన్ లో భాగంగా వర్కింగ్ స్టిల్స్ ని చిత్ర రిలీజ్ చేసింది. ఈ స్టిల్స్ లో బాలకృష్ణ తన మనవడు దేవాన్ష్ ఉన్న రెండు ఫోటోలు ఉన్నాయి. ఈ ఫొటోల్లో దేవాన్ష్ షూటింగ్ ను చూస్తూ.. ఆనందిస్తుంటే.. మనవడి చేష్టలను చూసి తాత బాలయ్య మురిసిపోతున్నట్లు ఉంది. ఈ ఫోటోలు ప్రసుతం సోషల్ మీడియాలో హల్ చల్ చేస్తున్నాయి. కాగా ఓ వైపు బాలయ్య మనవడిని షూటింగ్ లకు తీసుకెళ్తూ.. సందడి చేస్తుంటే.. మరో వైపు మరో తాత చంద్రబాబు.. రాజకీయ ముఖ్య వేడుకలకు మనవడు దేవాన్ష్ తో సందడి చేస్తున్నారు.. ఇరువురు తాతలు రాజకీయ, సినీ ప్రపంచాన్ని బుల్లి దేవాన్ష్ కు పరిచయం చేస్తున్నట్లున్నారు.