టెక్సాస్‌: అమెరికాలోని టెక్సాస్‌ రాష్ట్రాన్ని హార్వే హరికేన్‌ వణికిస్తోంది. ఈ హరికేన్‌ కారణంగా గంటకు 215 మైళ్ల వేగంతో పెనుగాలులు వీస్తున్నాయి. దాదాపు 13ఏళ్ల తర్వాత అతిపెద్ద హరికేన్‌ ఇదే. ఇప్పటికే పలు ప్రాంతాల్లో 42 సెంటీమీటర్ల వర్షపాతం నమోదైంది. భయంకరమైన వరదలు రావచ్చని అంచనా వేస్తున్నారు. దీనిని గాలుల తీవ్రతను కేటగిరి ఒకటికి చెందినవిగా వర్గీకరించారు. ఇప్పటికే పలు భవనాలు కూలిపోయినట్టు తెలుస్తోంది. కూలిన భవనాల్లో ప్రజలు చిక్కుకుపోయారు. విద్యుత్‌ సరఫరా నిల్చిపోవడంతో దాదాపు రెండు లక్షలమంది ఇబ్బందులు పడుతున్నట్టు సమాచారం.
హరికేన్‌కు దెబ్బతిన్న ప్రాంతాల్లో ప్రభుత్వం సహాయ కార్యక్రమాలు చేపట్టింది. ఈ సందర్భంగా సహాయ బృందాలను అభినందిస్తూ దేశ అధ్యక్షుడు ట్రంప్‌ ట్వీట్‌ చేశారు. పలు చోట్ల వరద ప్రమాదం పొంచిఉందని టెక్సాస్‌ గవర్నర్‌ గ్రెగ్‌ అబెట్టా ప్రజలను హెచ్చరించారు. రెండు చోట్ల భారీసంఖ్యలో మట్టిపెళ్లలు విరిగిపడ్డాయి. రాక్‌పోర్ట్‌ ప్రాంతంలో భారీ సంఖ్యలో నివాసగృహాలు దెబ్బతిన్నాయని అన్నారు.