డైరెక్టర్ మారుతి ..శర్వానంద్ లోని కామెడీ ఫుల్ గా వాడుకున్న ఫిల్మ్  మహానుభావుడు. ఇటీవలే రిలీజైన టీజర్ చూస్తే మారుతి క్యారెక్టరైజేష‌న్ దాని నుండి వ‌చ్చిన కామెడి ప్రేక్ష‌కుల్ని ఆక‌ట్టుకుంటాయి. యు.వి.క్రియేష‌న్స్ బ్యాన‌ర్ లో వంశీ, ప్ర‌మోద్ లు సంయుక్తంగా తెర‌కెక్కిస్తున్న చిత్రం  మహానుభావుడు షూటింగ్ పూర్తి చేసుకుంది. ఈ చిత్రం ప్ర‌స్తుతం శ‌ర‌వేగంగా పోస్ట్‌ప్రోడ‌క్ష‌న్ కార్య‌క్ర‌మాలు జ‌రుపుకుంటుంది. ఇట‌లీ, ఆస్ట్రియా, క్రొయెషియా లాంటి విదేశాల్లో మ‌రియు పోలాచ్చి, రామోజీఫిల్మ్‌సిటి, హైద‌రాబాద్‌లోని అంద‌మైన లోకేష‌న్స్‌లో షూటింగ్ జ‌రుపుకుంది. ఈవారం నుండి ఆడియో సింగిల్స్ విడుద‌ల చేసి త్వ‌ర‌లోనే ధియేట్రిక‌ల్ ట్రైల‌ర్ ని ప్రేక్ష‌కుల ముందుకు తీసుకురానున్నారు. అన్ని కార్యక్రమాలు పూర్తిచేసుకొని విజ‌య‌ద‌శ‌మికి ఈ చిత్రాన్ని విడుద‌ల చేసే సన్నాహాలు చేస్తున్నారు దర్శకనిర్మాతలు.