కర్ణాటక ప్రీమియర్ లీగ్‌ కళ తప్పింది.. ప్రధాన స్టార్ ఆటగాళ్లు కేఎల్ రాహుల్, మనీష్ పాండేలు అంతర్జాతీయ మ్యాచ్‌లో బిజీగా ఉండడంతో ఆ లీగ్‌కి ఆకర్షణ లేకుండా పోయింది.  అయితే ఈవెంట్‌కు జోష్‌ను తీసుకురావాలని స్పోర్ట్స్ అథారిటీ భావించింది.  కర్ణాటక ప్రీమియర్ లీగ్‌లో బెలగావీ పాంథర్స్ తరపున ఆడుతున్న స్టువర్ట్ బిన్నీని ఇంటర్వ్యూ చేసే అవకాశం స్పోర్ట్స్ ప్రెజెంటర్‌గా ఉన్న బిన్ని భార్య మయాంతికి వచ్చింది.  వివరాల్లోకి వెళితే బెంగళూరు బ్లాస్టర్స్ 19.3 ఓవర్లలో 169 పరుగులు చేసింది.  ఇక్కడ స్టువర్ట్ బిన్నీ రెండు వికెట్ల తేడాతో రాణించారు. దాంతో పాంథర్స్ విజయంలో కీలక పాత్ర పోషించిన భర్త స్టువర్ట్ బిన్నీని ఇంటర్వ్యూ చేయడం అభిమానుల్లో మజాను తీసుకువచ్చింది. ఇలా భర్తను భార్య ఇంటర్వ్యూ చేయడంపై ట్విట్టర్‌లో ప్రశంసల వర్షం కురుస్తోంది.