బ్రిటీష్ మహారాణి ఎలిజబెత్-2 కుమారుడైన ప్రిన్స్ చార్లెస్ అరుదైన రికార్డును నమోదుచేశారు. అత్యధిక కాలం పాటు ప్రిన్స్ ఆఫ్ వేల్స్‌గా రికార్డు సృష్టించారు. ఇప్పటి వరకు ఈ రికార్డు క్వీన్ విక్టోరియా పెద్దకుమారుడు ఆల్బర్ట్ పేరున ఉండేది. చార్లెస్ తొమ్మిదో యేటా(జూలై 26, 1958) ప్రిన్స్ కిరీటాన్ని ధరించారు. ఈ కిరీటాన్ని ధరించి ఇప్పటి వరకూ 59 ఏండ్ల నెలా పదిహేను రోజులవుతున్నది. ఇంతకు ముందు అల్బర్ట్ 59 ఏండ్ల నెలా పద్నాలుగురోజులపాటు ఈ కిరీటాన్ని ధరించారు. దీంతో అల్బర్ట్ రికార్డు బద్ధలైంది. చార్లెస్‌కు వచ్చే నవంబర్ నాటికి 69 ఏండ్లు వస్తాయి.