మాస్ మహారాజా రవితేజ లాంగ్ గ్యాప్ తరువాత చేస్తోన్న మూవీ 'రాజా ది గ్రేట్'. దిల్ రాజు బ్యానర్‌లో వస్తోన్న ఈ మూవీని 'పటాస్', 'సుప్రీమ్'లాంటి హిట్స్ ఇచ్చిన అనిల్ రావిపూడి డైరెక్ట్ చేస్తున్నాడు. ఈ మూవీలో రవితేజ అంధుడిగా న్యూ లుక్‌లో కనిపించనున్నాడు. షూటింగ్ ఫైనల్ స్టేజ్‌లో వున్న ఈ మూవీకి సంబంధించిన యాక్షన్ సీన్లు రీషూట్ చేస్తున్నారని సమాచారం.
ఇంతకుముందు షూట్ చేసిన యాక్షన్ సీన్లని బాలీవుడ్ యాక్షన్ కొరియోగ్రఫర్‌తో మళ్ళీ తెరకెక్కిస్తున్నారట. మూవీకి ఈ యాక్షన్ సీక్వెన్స్ హైలెట్ అవుతాయట. అందుకే ఖర్చుకి వెనకాడకుండా రీషూట్ చేస్తున్నారట. మెహ్రీన్ పిర్జాదా హీరోయిన్‌గా చేస్తోన్న ఈ మూవీలో సీనియర్ నటి రాధిక ఓ ఇంపార్టెంట్ రోల్ చేస్తోంది. మరి ప్రేక్షకుల చేత కూడా రవితేజ గ్రేట్ అనిపించుకుంటాడా లేదా తెలియాలంటే అక్టోబర్ వరకూ ఆగాల్సిందే.