మస్కట్  : ఆసియా దేశానికి చెందిన ఓ నిందితుడు హత్య చేయడమే కాక ఆ మృతదేహాన్ని పాడుబడిన నూతిలోనికి జారవిడిచేడని రాయల్ ఒమన్ పోలీస్ (ఆర్ ఓ పి) వెల్లడించింది, హంతకుడు తన నేరంను కప్పిపుచ్చుకునేందుకు విలాయట్ లోని మహ్దా లో ఎవరూ ఉపయోగించని బావిలోనికి చనిపోయిన శవాన్ని   విసిరివేసినట్లు ఒక ఆర్ ఓ పి అధికారి తెలిపారు. విచారణ మరియు నేర పరిశోధన విభాగానికి ప్రాతినిధ్యం వహించిన ఆల్ బరియామ్ పోలీసులు ఆ హత్య కేసుకి సంబంధించిన వివరాలను వెల్లడించారు. గత వారం సెప్టెంబరు 3 వ తేదీన  బాధితుని అదృశ్యం కావడం గురించి ఒక నివేదిక అందుకొన్న తర్వాత ఈ కేసుని పరిశోధించేందుకు ఒక బృందం ఏర్పడింది. ఈ నేరంతో సంబంధం ఉండొచ్చునేమోనని అనుమానంతో ఒక ఆసియా దేశానికి చెందన వ్యక్తిని అదుపులోనికి తీసుకొని ప్రశ్నించడం జరిగిందని దాంతో ఆ అనుమానితుడు తానే ఆ హత్య చేసినట్లు అంగీకరించాడని రాయల్ ఒమన్ పోలీస్ అధికారి ఒకరు తేలిపారు.అనుమానితుడు హత్య చేసిన తర్వాత మృతదేహాన్నిబావి లోనికి తోసివేసినట్లు దర్యాప్తు బృందంకు తెలిపాడు. కాగా చనిపోయిన శరీరంపై  కత్తులతో పొడిచినట్లు పలు గాయాలను గుర్తించినట్లు పోలీసులు  తెలిపారు.