దుబాయ్:రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), జనరల్‌ హెడ్‌ క్వార్టర్స్‌ ఆఫ్‌ దుబాయ్‌ పోలీస్‌, పలు ప్రముఖ రోడ్లపై వేగాన్ని తగ్గించినట్లు వెల్లడించాయి. స్పీడ్‌ లిమిట్‌ ఇంతకు ముందు 120 ఉండగా, ఇప్పుడు దాన్ని 110 కిలోమీటర్లు (గంటకి) పరిమితం చేయడం జరిగింది. షేక్‌ మొహమ్మద్‌ బిన్‌ జాయెద్‌ రోడ్‌, ఎమిరేట్స్‌ రోడ్‌పై ఈ స్పీడ్‌ లిమిట్‌ తగ్గింపు అమలు చేస్తున్నట్లు అధికారులు తెలిపారు. 2017, అక్టోబర్‌ 15 నుంచి ఈ స్పీడ్‌ లిమిట్‌ తగ్గింపు అమల్లోకి వస్తుంది. ఆర్‌టిఎ రట్రాఫిక్‌ అండ్‌ రోడ్స్‌ ఏజెన్సీ సిఇఓ ఇంజనీర్‌ మైతా బిన్‌ అదాయ్‌ మాట్లాడుతూ, వేగ పరిమితిని తగ్గించడం ద్వారా ఈ మార్గంలో వాహనాల రాకపోకలు - ప్రమాదాలపై ఓ అంచనాకు రావాలనుకుంటున్నామని, వాహనదారుల భద్రత కోసమే ఈ చర్యలు చేపట్టామని తెలిపారు.