అబుదాబీ: సివిల్‌ డిఫెన్స్‌ టీమ్‌ చాకచక్యంగా వ్యవహరించడంతో ప్రాణ నష్టం తప్పింది. యూఏఈ రాజధానిలోని సాదియాద్‌ ఐలాండ్‌లోగల వర్కర్స్‌ అకామడేషన్‌లో అగ్ని ప్రమాదం చోటు చేసుకుంది. సాదియాద్‌ ఐలాండ్‌ని నిర్వహిస్తోన్న సంస్థకు చెందిన కార్మికుల అకామడేషన్‌ ఇది. అగ్ని ప్రమాదం గురించి వివరించిన అబుదాబీ సివిల్‌ డిఫెన్స్‌ డైరెక్టర్‌ జనరల్‌ కల్నల్‌ మొహమ్మద్‌ అబ్దుల్‌ జలిల్‌ అల్‌ అన్సారీ, మధ్యాహ్నం 2 గంటల సమయంలో ఈ ప్రమాదం చోటు చేసుకున్నట్లు చెప్పారు. వెంటనే సివిల్‌ డిఫెన్స్‌ టీమ్స్‌ రంగంలోకి దిగి, పరిస్థితిని అదుపు చేశాయి. ప్రమాదానికి గల కారణాలు ఇంకా తెలియరాలేదు. ఈ ప్రమాదంలో ఎవరికీ ఎలాంటి ప్రాణ నష్టం సంభవించలేదని సివిల్‌ డిఫెన్స్‌ వెల్లడించింది.