బనియాస్‌ బ్రిడ్స్‌పై నుంచి కార్మికుల బస్సులు ప్రయాణించడాన్ని నిషేధిస్తున్నట్లు అబుదాబీ పోలీసులు వెల్లడించారు. అబుదాబీ ట్రాఫిక్‌ అండ్‌ పెట్రోల్స్‌ డైరెక్టరేట్‌ వెల్లడించిన వివరాల ప్రకారం సెప్టెంబర్‌ 17 నుంచి బనియాస్‌ బ్రిడ్జిపై కార్మికుల్ని తరలించే బస్సులపై నిషేధం అమల్లోకి వస్తుంది. ఈ బ్రిడ్జిపై ట్రాఫిక్‌ సజావుగా సాగేందుకు ఈ నిర్ణయం తీసుకున్నట్లు అబుదాబీ ట్రాఫిక్‌ అండ్‌ పెట్రోల్స్‌ డైరెక్టరేట్‌ డైరెక్టర్‌ ఆఫ్‌ ట్రాఫిక్‌ డిపార్ట్‌మెంట్‌ కల్నల్‌ సలీమ్‌ అబ్దుల్లా బిన్‌ బారక్‌ అల్‌ ధధెరి చెప్పారు. బనియా బ్రిడ్జిపై కార్మికుల బస్సులను బ్యాన్‌ చేసిన నేపథ్యంలో కార్మికుల్ని తరలించే బస్సుల్ని నడిపే డ్రైవర్లు ప్రత్యామ్నాయ మార్గాల్ని ఉపయోగించాలని ఆయన సూచించారు. ఒకవేళ నిబంధనల్ని ఉల్లంఘించి కార్మికుల్ని తరలించే బస్సుల్ని బనియా బ్రిడ్జిపైకి తీసుకొస్తే, 1000 దిర్హామ్‌ల జరీమానా విధిస్తారు.