బ్యాడ్మింటన్ సంచలనం, తెలుగుతేజం పీవీ సింధు పేరును పద్మభూషణ్‌కు సిఫారసు చేసింది క్రీడల శాఖ. మొన్న ధోనీ పేరును సిఫారసు చేసిన క్రీడల శాఖ తాజాగా.. సింధు పేరును కూడా పరిశీలించాల్సిందిగా సూచించింది. ఒలింపిక్స్‌లో సిల్వర్ మెడల్ సాధించిన పీవీ సింధు.. ఆ తర్వాత కూడా వరుస విజయాలను సొంతం చేసుకుంటోంది. తాజాగా జరిగిన కొరియా ఓపెన్ సిరీస్‌లో విజేతగా నిలిచింది. ఆమె ప్రతిభను గుర్తించిన ఏపీ ప్రభుత్వం.. ఇప్పటికే గ్రూప్ 1 అధికారిగా నియమించింది. ఆమె బాధ్యతలు కూడా చేపట్టారు. క్రీడల్లో ప్రతిభ చాటుతున్న సింధును పద్మభూషణ్‌కు సిఫారసు చేయడంతో సంతోషం వ్యక్తం చేస్తున్నారు.