పది మంది యువతులను వివాహం చేసుకుని మరో యువతిని వివాహం చేసుకునేందుకు రెడీ అయ్యాడు ఓ అరబ్ షేక్.  కాటికి కాళ్లు చాపుకుని ఉన్నా కూడా ముక్కుపచ్చలారని చిన్నారుల జీవితాల్ని చిదిమేయడానికి హైదరాబాద్ పాతబస్తీకి వచ్చిన అరబ్ షేక్ వివరాలు తెలుసుకుని షాక్ తిన్నారు సౌత్ జోన్ డీసీపి సత్యన్నారాయణ.  వయస్సు మళ్లిన అతడు క్రానికల్ కిడ్నీ డిసీజ్‌తో బాధపడుతున్నాడని తెలిపారు.  నిషేధిత మందులు ఆయన వద్ద ఉన్నాయని, వాటిపై కూడా చర్యలు తీసుకుంటామని చెప్పారు.  ఆయనతో పాటు మరొక షేక్‌ను యెమెన్ దేశీయులను, కాంట్రాక్ట్ మేరేజ్ బ్రోకర్లను అదుపులోకి తీసుకున్నామని ఆయన తెలిపారు. ఇలాంటి వివాహాల కోసం హైదరాబాదులో అడుగుపెట్టాలంటే భయపడేలా చేస్తామని ఆయన హెచ్చరించారు.