మాజీ క్రికెటర్ వీరేంద్ర సెహ్వాగ్, మాస్టర్ బ్లాస్టర్ సచిన్ టెండూల్కర్‌కు మధ్య విడదీయరాని స్నేహబంధం ఉంది. ఓపెనర్లుగా వీరిద్దరూ కలసి భారత్‌కు ఎన్నో విజయాలు అందించారు.  సెహ్వాగ్‌ను ఎంతో ఇష్టపడే సచిన్ అతడికి ఓ అద్భుతమైన బహుమతిని కానుకగా బహుకరించాడు.  ఆ కానుక బీఎండబ్ల్యూ 730 ఎల్‌డీ కారు. దీని ఖరీదు రూ.1.14 కోట్లు.  కారును బహుమతిగా అందుకున్న సెహ్వాగ్ తన ఆనందాన్ని అభిమానులతో పంచుకున్నాడు.  సచిన్‌కు ట్విట్టర్ ద్వారా ధన్యవాదాలు తెలియజేశాడు.