తన భర్త రజనీకాంత్‌ రాజకీయాల్లోకి వస్తే తమిళనాడు రాష్ట్రానికి మంచి చేస్తారని లతా రజనీకాంత్‌ అన్నారు. రాజకీయాల్లోకి వచ్చే అవకాశాలు ఉన్నాయని గతంలో రజనీకాంత్‌ ప్రకటించారు. కానీ కచ్చితంగా వస్తాను? రాను? అని ఆయన తేల్చి చెప్పలేదు. దీంతో తమిళనాడు రాజకీయనాయకులు, ప్రజల్లో తీవ్ర ఉత్కంఠం నెలకొంది. ఈ నేపథ్యంలో లతా రజనీకాంత్‌ మాట్లాడారు. 'ఒకవేళ రజనీకాంత్‌ రాజకీయాల్లోకి వస్తే తమిళనాడుకు మంచి చేస్తారు. రాజకీయ ప్రవేశం గురించి ఆయనే స్వయంగా ప్రకటిస్తారు' అని ఆమె అన్నారు. తమిళనాడులో జయలలిత మరణం తర్వాత ఆ రాష్ట్ర రాజకీయాలు తీవ్ర సంక్షోభం ఎదుర్కొంటున్నాయి. నటుడు కమల్‌హాసన్‌ కూడా రాజకీయాల్లోకి వస్తానని ఇటీవల ప్రకటించిన విషయం తెలిసిందే.