యూఏఈ రోడ్లపై టెయిల్‌గేటింగ్‌ సర్వసాధారణంగా మారిపోయింది. ఓ అరబ్‌ మోటరిస్ట్‌, ఓ మహిళ నడుపుతున్న వాహనాన్ని టెయిల్‌గేట్‌ చేయడమే కాకుండా, ఆమెపై కత్తిని విసిరిన ఘటన అల్‌ ధఫ్రా ప్రాంతంలో జరిగింది. నిందితుడు తన కారుని ఛేజ్‌ చేస్తున్న సమయంలో తాను గంటకు 120 కిలోమీటర్ల వేగంతో ప్రయాణిస్తున్నాననీ, ఈ క్రమంలో అతను తన కారుని ర్యాష్‌గా ఓవర్‌టేక్‌ చేయడమే కాకుండా, తన మీదకు కత్తి విసిరాడని, ఆ కత్తి తన కారులోని సీట్‌పై పడి, కొంత మేర సీటు ధ్వంసమయ్యిందని బాధితురాలు ప్రాసిక్యూషన్‌కి వివరించారు. నిందితుడ్ని అరెస్ట్‌ చేసిన పోలీసులు న్యాయస్థానం ముందుంచారు. న్యాయస్థానం నిందితుడియతీ 10,000 దిర్హామ్‌ల జరీమానా విధించింది. అయితే నిందితుడు, తనపై అక్రమంగా కేసులు బనాయించారని ఆరోపిస్తున్నాడు. తాను ఆ మహిళతో దురుసుగా ప్రవర్తించలేదనీ, కత్తి విసినానన్న ఆరోపణలూ నిజం కాదని అంటున్నాడు.