రస్‌ అల్‌ ఖైమా: రస్‌ అల్‌ ఖైమా పోలీసులు, ఉల్లంఘనకు పాల్పడిన 50 రోజుల్లోగా జరీమానా చెల్లిస్తే, 50 శాతం జరీమానా తగ్గించేలా కొత్త ఆఫర్‌ని ప్రకటించారు. 'రాడార్‌' పేరుతో ఈ ఆఫర్‌ని రస్‌ అల్‌ ఖైమా పోలీసులు ప్రకటించడం జరిగింది. రాడార్‌ బేస్డ్‌ జరీమానాలకు ఈ ఆఫర్‌ వర్తిస్తుంది. 51 నుంచి 80 రోజుల లోపు చెల్లిస్తే, 30 శాతం డిస్కౌంట్‌ లభిస్తుంది. 80 రోజుల లోపు జరీమానా చెల్లించకపోతే, ఖచ్చితంగా పూర్తి జరీమానా వర్తిస్తుంది. అతి వేగంతో వాహనాలు నడపడం, నిబంధనల్ని ఉల్లంఘించడం ద్వారా ఇతరుల ప్రాణాలకు సైతం హాని కలిగించేవారవుతారు కాబట్టి, ఖచ్చితంగా వాహనదారులు తమ భద్రత కోసం, ఇతరుల భద్రత కోసం నిబంధనలు పాటించాలని రస్‌ అల్‌ ఖైమా పోలీసులు విజ్ఞప్తి చేస్తున్నారు. గంటకు 160 కిలోమీటర్ల వేగంతో ప్రయాణించడం, రెడ్‌ సిగ్నల్‌ జంపింగ్‌, రేసింగ్‌, కార్‌ విండోస్‌ ఓవర్‌ టింటింగ్‌ వంటి ఉల్లంఘనలకు ఎలాంటి డిస్కౌంట్‌ లభించదు.