నటిగా, నిర్మాతగా, యాంకర్‌గా అన్నిటికీ మించి ఓ బాధ్యతాయుత పౌరురాలిగా మంచు లక్ష్మి ఎప్పుడూ వార్తల్లో వుంటుంది. సామాజిక అంశాలపై తన గొంతు వినిపిస్తుంటుంది. ఇదే విషయాన్ని లక్ష్మీ దగ్గర ప్రస్తావిస్తే దయచేసి రాజకీయం చేయొద్దు.  నాకళ్లెదుట ఎవరైనా బాధపడుతున్నట్లు కనిపిస్తే నేను తట్టుకోలేను. ఎవరికైనా అన్యాయం జరిగినట్లు తెలిసినా మౌనంగా ఉండలేను. ఈ విషయంలో ఏవరేమనుకున్నా పట్టించుకోను. మొన్న జరిగిన వినాయకచవితి ఉత్సవాల సందర్భంగా రోడ్డుని తవ్వేస్తుంటే చూస్తూ ఊరుకోలేకపోయాను. నేనేం చేసినా రాజకీయాలతో సంబంధం లేకుండా ఓ బాధ్యత కలిగిన పౌరురాలిగా మాత్రమే చేస్తుంటా.. అంతేకాని ఓ సెలబ్రిటీ హోదాలోకానీ లేదా నన్ను అందరూ గుర్తించాలని కానీ నేను అనుకోను. పదిమందికి ఉపయోగపడే ఏ పని చేసినా అది ఎంతో సంతృప్తిని ఇస్తుందని చెప్పుకొచ్చింది లక్ష్మీ. దటీజ్ మంచు లక్ష్మి.