ప్రముఖ బుల్లి తెర కామెడీ షో "జబర్దస్త్" ద్వారా వెలుగులోకి వచ్చిన కమెడియన్ 'అల్లరి' హరీష్. ఈ నెల 5 న వివాహం చేసుకొని ఓ ఇంటివాడైన హరీష్ రిసెప్షన్ ఘనంగా జరిగింది. ఈ రిసెప్షన్ కు బుల్లి తెర, వెండి తెర ప్రముఖులు హాజరై.. నూతన దంపతులను ఆశీర్వదించారు. షార్ట్ ఫిల్మ్ తో అలరించిన హరీష్.. జబర్దస్త్ షో తో మరింత పాపులర్ అయ్యి... వెండి తెరపై నటించే అవకాశం దక్కించుకొన్నాడు.. తీన్ మార్, సీతమ్మ వాటికిట్లో సిరిమల్లె చెట్టు వంటి అనేక సినిమాల్లో నటించి తనదైన శైలిలో హాస్యం తో అలరించి తెలుగు ప్రేక్షకులను ఆకట్టుకొన్నారు. హరీష్ రిసెప్షన్ కు వీఎన్ ఆదిత్య, జయంత్ సి. పరాంన్జీ, అవసరాల శ్రీనివాస్, సాయి ధరమ్ తేజ్, సుశాంత్, అశ్విన్, కాదంబరి కిరణ్, ఊటీజ్, వెన్నెల కిషోర్, మోనాల్ గజ్జర్, తాగుబోతు రమేశ్ తదితరులు హాజరై.. వధూవరులను ఆశీర్వదించారు.