మస్కట్‌: తల్లిదండ్రుల్ని చంపేస్తానంటూ బెదిరింపులకు దిగుతున్న ఓ వ్యక్తిని అరెస్ట్‌ చేసినట్లు రాయల్‌ ఒమన్‌ పోలీసులు ట్విట్టర్‌ ద్వారా వెల్లడించారు. ఖసబ్‌ విలాయత్‌లోని లిమాలో ఈ అరెస్ట్‌ జరిగింది. డైరెక్టరేట్‌ జనరల్‌ ఫర్‌ కాంబాటింగ్‌ నార్కోటిక్స్‌ అండ్‌ సైకోట్రోపిక్‌ సబ్‌స్టాన్సెస్‌ సహకారంతో ఈ అరెస్ట్‌ జరిగింది. లిమా పోలీసులు, బాధిత తల్లిదండ్రుల నుంచి ఫిర్యాదు అందుకున్నారనీ, తన సోదరుడు తన తల్లిదండ్రుల్ని చంపేస్తామని బెదిరించాడనీ, ఈ నేపథ్యంలో ముందుగా ఆ కుటుంబాన్ని అక్కడి నుంచి తరలించి, ఆ తర్వాత నిందితుడ్ని అరెస్ట్‌ చేశామని రాయల్‌ ఒమన్‌ పోలీసులు ట్విట్టర్‌లో పేర్కొన్నారు.