అక్కినేని ఫ్యామిలీకి వరుస విజయాలు అందించిన దర్శకుడు కళ్యాణ్ కృష్ణ తన మూడో సినిమాను కూడా వారితోనే ప్లాన్ చేస్తున్నాడు. అయితే ఈసారీ ఓ మల్టీ స్టారర్‌ని తెరకెక్కించే ప్రయత్నాల్లో ఉన్నాడు.  దీనికి సంబంధించిన సమాచారం పూర్తి వివరాలు తెలియరాలేదు.  అయితే ఈ చిత్రం మామా అల్లుళ్లయిన వెంకటేష్, నాగచైతన్యలతో ఉంటుందని సమాచారం. ఇప్పటికే అల్లుడికి అండగా నిలిచి చైతన్య ప్రేమమ్ సినిమాలో అతిధి పాత్రలో కనిపించాడు. ప్రస్తుతం వీరిద్దరూ వారి వారి సినిమాల్లో బిజీగా ఉన్నారు. అవి పూర్తయిన తరువాత  ఈ మల్టీ స్టారర్ ఉండబోతుందని సమచారం.