దేశవ్యప్తంగా, అబుధాబి, దుబాయ్ మరియు ఉత్తరాది రాష్ట్రాలలో   250 బహిరంగ ప్రదేశాల్లో ప్రజలకు " యు. ఏ . ఈ.  వై-ఫై  బై ఎతిసలత్" పధకం కింద తమ మొబైల్ ఫోన్ ల ద్వారా అత్యధిక వేగం గల నిరాటంకంగా, భద్రమైన, నాణ్యతకు మారుపేరుగా నిలిచే  ఇంటర్నెట్ సేవలు అందుతాయని అధికారులు తెలిపారు. 1 జి. బి. లేదా అంతకంటే ఎక్కువ మొబైల్ డేటాకు చందాదారులైన ఎతిసలత్ వినియోగదారులు ఈ వై-ఫై సేవలను ఉచితంగా పొందవచ్చు. ఎతిసలత్ చీఫ్ కన్సుమర్ ఆఫీసర్ ఖలీద్ ఎల్ ఖౌటీ మాట్లాడుతూ, " యు. ఏ . ఈ.  ప్రాంతం వాణిజ్య పరంగా అత్యంత వేగంగా అభివృద్ధి చెందుతోందని, దేశనేతల దూరదృష్టి గల ప్రణాళిక ప్రకారం ఎతిసలత్, స్థానిక ప్రజలకు, వ్యాపార వర్గానికి కూడా కనెక్టివిటీ నిరంతరం అందుబాటులో ఉండేలా అద్భుతమైన టెలికం మౌలిక సదుపాయాలను కల్పించింది” అని తెలిపారు.