మనామా: బహ్రెయిన్‌ ఇంటర్నేషనల్‌ సర్క్యూట్‌ (బిఐసి), బిఐసి నేషనల్‌ డే ఫెస్టివల్‌ కోసం ఏర్పాట్లు షురూ చేసింది. క్రౌన్‌ ప్రిన్స్‌, డిప్యూటీ సుప్రీమ్‌ కమాండర్‌, ఫస్ట్‌ డిప్యూటీ ప్రైమ్‌ మినిస్టర్‌ సల్మాన్‌ బిన్‌ హమాద్‌ అల్‌ ఖలీఫా సహకారంతో ఈ వేడుకలు నిర్వహించనున్నారు. డిసెంబర్‌ 14 నుంచి 17 వరకు ఈ ఈవెంట్‌ జరగనుంది. సఖిర్‌లో 'ది హోమ్‌ ఆఫ్‌ మోటర్‌ స్పోర్ట్‌ - మిడిల్‌ ఈస్ట్‌'లో ఈ వేడుకల్ని నిర్వహిస్తున్నారు. బహ్రెయిన్‌లోనే అతి పెద్ద ఫెస్టివల్‌గా ఇది నిర్వహించబడ్తుంది. వరుసగా ఐదో ఏడాది ఈ ఫెస్టివల్‌ని అంగరంగ వైభవంగా నిర్వహించనున్నట్లు బిఐసి వర్గాలు వెల్లడించాయి. షాపింగ్‌ ఎక్స్‌పీరియన్స్‌, కార్పొరేట్‌ ఎగ్జిబిషన్‌ స్పేస్‌, చిల్డ్రన్స్‌ యాక్టివిటీస్‌ మరియు ప్లే ఏరియా, కల్చరల్‌ మరియు మ్యూజికల్‌ పెర్ఫామెన్సెస్‌, ఫుడ్‌ మరియు బెవరేజ్‌ ఔట్‌లెట్స్‌, స్థానిక కళాకారులతో కాన్సెర్ట్స్‌ వంటివి ఇక్కడ ఈ ఈవెంట్‌లో ప్రధాన ఆకర్షణలు కానున్నాయి.