కువైట్ :  సిగరెట్  చివరి దమ్ము వరకు పీల్చి..వేళ్ళ మధ్య ఉన్న సిగరెట్ పీకను విలాసంగా ఎక్కడబడితే అక్కడ విసిరితే వాటికి జరిమానాలు కట్టకతప్పదని కువైట్ మునిసిపాలిటీ వాహనదారులను హెచ్చరించింది. కాలిబాటలు, పార్కులు లేదా బహిరంగ ప్రదేశాల్లో సిగరెట్ పీకలను విసిరిగొట్టి మునిసిపాలిటీ నిబంధనలను ఉల్లంఘించినవారికి 200 కువైట్ దినార్లు జరిమానా విధించనున్నారు . రాజధాని మున్సిపాలిటీ అత్యవసర జట్టు నాయకుడు జైద్ అల్- ఎనేజి  మాట్లాడుతూ ఆర్టికల్ 1  లో మున్సిపాలిటీ సర్వీసుల చట్టం 9/1987 లో  5 కువైట్ దినార్లు నుంచి  200 కువైట్ దినార్లు వరకు జరిమానాలు అమలుచేయవచ్చు. వీధులు, కూడళ్లు , యార్డులు, వాహనాల పార్కింగ్ చేసే ప్రాంతాలు, పార్కులు, బహిరంగ స్థలాలలో  సిగరెట్ పీకలను విసిరితే వారికి జరిమాణాలతో శిక్షించటం తప్పదని మునిసిపల్ అధికారులు ఒక ప్రకటనలో పేర్కొన్నారు.