ఆల్ సెయింట్స్ డే...డెత్ ఫెస్టివల్ మన దేశంలో ఇలాంటి పండుగలు ఇంకా స్టార్ట్ కాలేదు. మెక్సికోలో మాత్రం ప్రతి ఏడాది ఈ ఫెస్టివల్ ను జరుపుకుంటారు. ఈ ఫెస్టివల్‌లో ఎన్నో ప్రత్యేకతలు సంచరించుకుంటాయి.
మన దేశంలో కుటుంబంలో ఎవరైనా చనిపోతే ఆ వ్యక్తులను, వారు చేసిన మంచి పనులను స్మరించుకుంటూ వారికి పిండ ప్రధానం చేసి గౌరవిస్తారు. కానీ మెక్సికోలో మాత్రం అక్టోబర్ 31 నుంచి నవంబర్ 2 వరకు డెత్ ఫెస్టివల్ జరుపుకుంటారు. ఆ దేశ ప్రజలంతా రోడ్ల పైకి  అస్థిపంజరాల రూపంలో...దెయ్యాలు, రాక్షస వేషధారణలో ముస్తాబవుతారు. ఈ విధంగా చేయడం వలన చనిపోయిన ఆత్మీయులు,  పూర్వీకులు భూమి పైకి వస్తారని...స్వర్గ ద్వారాలు తెరుచుకుంటాయని ఆ దేశ ప్రజల నమ్మకం. ఇలా వచ్చిన వారు ఒకరోజంతా వాళ్లతో గడుపుతారని వారి విశ్వాసం. అందుకే ఆ దేశ ప్రజలు భయంకరమైన రూపాల్లో విధులన్నీ తిరుగుతూ సందడి చేస్తుంటారు.