తమిళ రాజకీయాల్లోకి ఎంట్రీ ఇవ్వబోతున్న సినీ నటుడు కమల్‌ హాసన్‌ .. గెట్‌ రెడీ అంటూ ఫ్యాన్స్‌కు మెసేజ్ ఇచ్చాడు. నవంబర్‌ 7న కీలక ప్రకటన చేయబోతున్నట్లు ప్రకటించాడు. తమిళ మ్యాగజైన్‌కు రాసిన ఆర్టికల్‌లో ఈ విషయాన్ని తెలిపాడు కమల్‌.  తనను ఎలా సంప్రదించాలో.. ఏం చేయాలో.. అన్నీ ఆ రోజు చెబుతున్నాన్నాడు. 

నవంబర్‌7 కమల్‌ హాసన్ పుట్టిన రోజు. అందుకే.. ఆ రోజు చేస్తానన్న ప్రకటన రాజకీయ ప్రవేశం గురించే అయ్యి ఉంటుందనుకుంటున్నారు అభిమానులు. కొంతకాలంగా రాజకీయ ప్రవేశానికి సంబంధించి సన్నాహాలు చేసుకుంటున్నారు కమల్‌. ముఖ్యంగా అధికారంలో ఉన్న అన్నాడీఎంకేపై అన్ని విషయాల్లోనూ ఒంటికాలిపై లేస్తున్నారు. కమల్‌ పార్టీ ఎలా ఉండబోతోంది.. పొత్తులు ఏవైనా ఉంటాయా అన్నది నవంబర్ 7న తేలిపోనుంది.